प्रधानमन्त्री ओली, कांग्रेस सभापति देउवा र नेकपा अध्यक्ष दाहालबीच बालुवाटारमा भेटवार्ता
<p>काठमाडौं। प्रधानमन्त्री केपी शर्मा ओली र कांग्रेस सभापतिबीच भेटवार्ता चलिरहँदा नेकपाका अध्यक्ष पुष्पकमल दाहाल पनि बालुवाटार पुगेका छन्।</p>
<p>बालुवाटारमा अहिले ४ बजेदेखि तीनैजना नेताहरूबीच छलफल भइरहेको प्रधानमन्त्रीका प्रेस सल्लाहाकार सूर्य थापाले जानकारी दिए।</p>
<p>३ बजेदेखि भने <a href="https://www.dekhapadhi.com/news/11206" target="_blank"><span style="color:#c0392b;">प्रधानमन्त्री र कांग्रेस सभापतिबीच छलफल </span></a>भएको थियो।</p>
<p>उनीहरूबीचको छलफल चल्दै गर्दा नेकपाका अर्का अध्यक्ष दाहाल पनि बालुवाटार पुगेका हुन्।</p>
<p>तीन नेताबीच पछिल्लो राजनीतिक घटनाक्रमका बारेमा छलफल जारी छ।</p>
<p>सरकारले ल्याएका दुई अध्यादेश फिर्ता भएपछि तीन नेताबीच भेटवार्ता भएको हो। </p>
<p>सरकारले ८ वैशाखमा राजनीतिक दलसम्बन्धी र संवैधानिक परिषद्सम्बन्धी ऐन संशोधन गर्न ल्याएका दुई अध्यादेश आजै फिर्ता लिएको थियो। </p>
<p>ती दुवै अध्यादेश राष्ट्रपति विद्यादेवी भण्डारीले खारेज गरिसकेकी छन्।</p>
प्रतिक्रिया दिनुहोस्
.jpg)
