तातोपानी नाकाबाट भित्रियाे १५ करोडको स्वास्थ्य सामग्री
<p>काठमाडौं। तातोपानी भन्सार नाका पुनः सञ्चालनमा आएपछि झण्डै १५ करोड रूपैयाँको स्वास्थ सामग्री आयात भएको छ।</p>
<p>साे सामग्रीमध्ये आठ करोड रूपैयाँ बराबरको सरकारले ल्याएको र सात करोड रूपैयाँ बराबरको सामान निजी क्षेत्रले ल्याएको भन्सार प्रमुख लालबहादुर खत्रीले बताए।</p>
<p>काेराेना भाइरसकाे संक्रमण फैलँदै गएपछि ताताेपानी भन्सार नाका बन्द गरिएकाे थियाे।</p>
<p>२६ चैतदेखि पुनः सञ्चालनमा आएदेखि हालसम्म २१ हजार २६० थान व्यक्तिगत सुरक्षा उपकरण (पीपीई) आयात भएको छ।</p>
<p>यस्तै, ७२ हजार ५०० वटा केएन-९५ मास्क, १२ हजार थान डिस्पोजेबल मास्क, २६ हजार ७३२ लिटर स्यानिटाइजर आयात भएको छ।</p>
<p>तीन हजार ९०० सर्जिकल ग्लोब्स्, एक हजार थान प्रोटेक्टिभ गगल्स, २० हजार ८०० शू-कभर र पाँच हजार ८०० फेस सेल्ड आयात भएको छ।</p>
<p>यस्तै, हालसम्म ४३० वटा मेडिकल बेड, दुइटा पीसीआर मेसिन र २० हजार वटा टेस्टिङ किटसमेत आयात भएको भन्सार कार्यालयकाे भनाइ छ।</p>
प्रतिक्रिया दिनुहोस्
.jpg)
