सेती अस्पतालमा खोप सेवा शुरु
<p>कैलाली। सेती प्रादेशिक अस्पतालमा लकडाउनपछि बन्द रहेको खोप सेवा शुरु भएपछि शुक्रबार मात्रै एक सय ५२ जना बालबालिकाले खोप सेवा लिएका छन्।</p>
<p>अस्पतालले सूचना जारी गर्दै बालबालिकालाई लगाइने विभिन्‍न खोपहरू साताका दुई दिन सञ्‍चालन हुने जनाएपछि बालबालिका बोकेर अभिभावकहरू सेती प्रादेशिक अस्पताल पुगेका थिए। </p>
<p>अस्पतालबाट सोमबार र शुक्रबार बिहान ९ देखि दिउँसो १ बजेसम्म खोप सेवा लिन सकिने सिनियर अनमी भगवती बडालले बताइन्। छुटेका गर्भवती र बालबालिकालाई अब नियमित खोप दिइने उनले बताइन्। </p>
<p>त्यस्तै आइतबार र बुधबार बिहान ९ देखि १ बजेसम्म गर्भवती तथा परामर्श र टीडी खोप सेवासमेत सञ्‍चालन हुने सिनियर अनमी बडालले जानकारी दिइन्।</p>
<p>यसअघि सेवा बन्द हुँदा धेरै बालबालिका तथा गर्भवती खोप लगाउनबाट वञ्‍चित भएका थिए।</p>
प्रतिक्रिया दिनुहोस्
.jpg)
