Others

गृहपृष्ठ

कोभिड-१९ रोकथाममा सेनाको तयारी बुटवल । कोभिड-१९ नियन्त्रण, रोकथाम र उपचारका लागि नेपाली सेनाको मध्यपश्चिम पृतनाले क्&zwj;वारेन्टाइन, आइसोलेसन र स्वास्थ्यकर्मीलाई तयारी अवस्थामा राखेको  जनाएको छ । प्रदेश-५ का सबै ब्यारेकमा चार सय ५३ शय्याको क्&zwj;वारेन्टाइन, एक सय शय्याको आइसोलेसन वार्ड, हेल्थ डेस्क, ‘र्&zwj;यापिड रेस्पोन्ट’ टिम र ‘प्यासेन्ट रिसिभिङ’ टिमलाई तयारी अवस्थामा राखिएको पृतना प्रमुख उपरथी सीताराम खड्काले जानकारी दिए। उनका अनुसार प्रदेशको अन्तर्राष्ट्रिय सीमाक्षेत्रमा आठ , प्रदेश सीमामा तीन र  जिल्लामा पाँच हेल्थ डेस्क स्थापना गरिएको छ । सेनाले प्रदेशभरि आफ्ना एक सय २१ जना स्वास्थ्यकर्मीलाई तयारी अवस्थामा राखिएको जनाएको छ । नेपाली सेनाले सबै प्रदेश र राजधानीमा गरी चार हजार ६ सय २१ शय्याको क्&zwj;वारेन्टाइन, पाँच सय ९२ शय्याको आइसोलेसन वार्ड निर्माण तथा विशेष तालिमप्राप्त प्राविधिक र स्वास्थ्यकर्मी पाँच हजार तीन सय आठ जना खटाएको छ ।  रासस