Others

गृहपृष्ठ

न विजेता न रेलिगेसन, नेदरल्यान्ड्सको फुटबल लिग रद्द काठमाडौं। नेदरल्यान्ड्सको शीर्ष डिभिजन लिग कोभिड-१९ का कारण बीचमै रद्द भएका छन्। यससँगै अब शीर्ष डिभिजनको लिगमा नेदरल्यान्ड्सको उपाधि पनि टुंगो नलाग्&zwj;नुका साथै रेलिगेसन पनि नहुने भएको छ।  नेदरल्यान्ड्स सरकारले कोरोना भाइरस संक्रमणका कारण १ सेप्&zwj;टेम्बरसम्म ठूलो प्रतियोगिता गर्नमा रोक लागएपछि लिग रद्द गरिएको हो। नेदरल्यान्ड्स फुटबलको सर्वोच्च निकाय केएनभीबीले भनेको छ, ‘‘अब २०१९-२० सिजन खेल्न असम्भव बनेको छ।’’  लिग स्थगित हुँदा अयाक्स र एजे अल्कमारको समान अंक थियो। लिग सकिन ९ खेल बाँकी हुँदा गोलअन्तरका अधारमा अयाक्स शीर्ष स्थानमा थियो। तर केएनभीबीले लिग विजेता घोषणा नगर्ने भएको छ। दुवै टिमले च्याम्पियन्स लिग छनोट प्रतियोगिता खेल्नेछन्। च्याम्पियन्स लिग पनि स्थगित अवस्थामा छ। कुनै पनि रेलिगेसन तथा बढुवा नहुने भएपछि दोस्रो श्रेणी लिगबाट कुनै पनि टिम शीर्ष डिभिजन लिगमा बढुवा नहुने भएको छ। दोस्रो श्रेणीको लिगमा भने कम्बुर ११ अंकको अग्रतासहित शीर्ष स्थानमा थियो। कम्बुरका मुख्य प्रशिक्षक हेन्क डी जोनले उक्त निर्णयमा असन्तुष्&zwj;टी जनाएका छन्। उनले नेदरल्यान्ड्स फुटबल इतिहासकै सबभन्दा निराश क्षण भएको बताएका छन्।   केएनभीबीले भनेको छ, ‘‘हामीले सचेत छौं कि कुनै पनि विकल्पमा निर्णय गर्दा कोही न कोहीलाई चोट पुग्&zwj;ने नै थियो। समर्थक, खेलाडी, डाक्टर, रेफ्री तथा सबैको स्वास्थ्य सुरक्षा पहिलो प्राथमिकता हो भनेमा हामी स्पष्&zwj;ट छौं। हामीले आज गरेको निर्णयले पनि केहीलाई निराश बनाएको छ।’’ नेदरल्यान्ड्समा कारोना भाइरसका कारण ४ हजारभन्दा धेरैले ज्यान गुमाइसकेका छन्।  नेदरल्यान्ड्सको शीर्ष डिभिजन लिगमा सन् १९५६ यता विजेता घोषणा नभएको यो पहिलो पटक हो।  केनभीबीले सरोकारवालाहरूलाई ‘रेलिगेसन र बढुवा दुवै नहुने’ तथा ‘रेलिगेसन र बढुवा हुने’ दुई विकल्पमा मतदान गराइए पनि नतिजा स्पष्&zwj;ट नआएका कारण त्यस्तो निर्णण गरिएको जनाएको छ।  ‘‘लिगमा अझै धेरै चरणका खेल खेल्न बाँकी छन्। हामीले विश्वास छ की यस्तो अवस्थामा बढुवा र घटुवा गर्न सकिँदैन। त्यसैले यस्तो निर्णय लियौं,’’ केनभीबीले भनेको छ।  तेस्रो स्थानको फेयनउर्ड युरोपा लिगमा छनोट भएको छ भने चौथो स्थानको पीएसभी आइन्डहोभन र पाँचौं स्थानको विलेमले युरोपा लिग छनोट प्रतियोगिता खेल्नेछ।  नेदरल्यान्ड्सको महिलातर्फको शीर्ष डिभिजन लिग पनि रेलिगेसन र विजेताविना नै स्थगित भएको छ। महिलातर्फ शीर्ष स्थानको पीएभी आइण्डहोभन च्याम्पियन्स लिगका लागि छनोट भएको छ भने दोस्रो स्थानको आयक्सले छनोट प्रतियोगता खेल्नेछ।