नेपालमा रोकिएका साढे चार हजार पर्यटक एअर लिफ्टमार्फत स्वदेश फर्किए
<p>काठमाडौं । कोभिड-१९ को प्रकोप फैलिन नदिन देशव्यापी लकडाउन घोषणा भएयता चार हजार पाँच सय ३२ जना विदेशी नागरिकलाई एअर लिफ्टमार्फत स्वदेश फर्काइएको छ।</p>
<p>हालसम्म त्रिभुवन अन्तर्राष्‍ट्रिय विमानस्थलबाट ३३ वटा अन्तर्राष्‍ट्रिय भएका छन् । नेपाल नागरिक उड्डयन प्राधिकरणका प्रवक्ता राजकु्मार क्षत्रीका अनुसार ती सबै चार्टर्ड र कार्गो उडान थिए ।</p>
<p>शुक्रबार मात्रै श्रीलंकाले श्रीलंकन एयरको चार्टर्ड विमानमार्फत नेपालमा रहेका ७६ विद्यार्थीलाई स्वदेश फर्काएको थियो ।</p>
<p>हालसम्म सबैभन्दा बढी कतार एयरवेजका नौ, नेपाल वायुसेवा निगमका आठ, टाइटन एयरका तीन, श्री एयरलाइन्सको दुई, बुद्ध एयरको एक र कोरियन एयरका दुई उडान भएका छन् । यस्तै, भूटानको ड्रक एयर, श्रीलंकन, मलेशिया, मालिन्दो, इत्तिहाद, चेक रिपब्लिक, रोयल फ्लाइट एयर र जर्नी एयरलाइन्सका एक-एक उडान भएका छन् । </p>
<p>ती उडानमार्फत जर्मनी, फ्रान्स, न्यूजिल्याण्ड, मलेशिया, श्रीलंका, माल्दिभ्स, रुस, चेक रिपब्लिक, अमेरिका र बेलायतका नागरिक घर फर्किएका हुन् । नेपाल पर्यटन बोर्डले सरोकारवाला निकायसँगको समन्वयमा उनीहरूलाई नेपालका विभिन्‍न गन्तव्यबाट उद्धार गरी काठमाडौँ ल्याउन सहजीकरण गरेको थियो । <em><strong>रासस</strong></em></p>
प्रतिक्रिया दिनुहोस्
.jpg)
