सकियाे एनआरएनएकाे मतदान, मतगणना केहीबेरमा शुरू हुँदै
<p>काठमाडाैं। गैरआवासीय नेपाली संघ (एनआरएनए)को नयाँ नेतृत्वका लागि भएको निर्वाचन प्रक्रियाअन्तर्गत मतदान सकिएको छ।</p>
<p>बिहान १० बजेदेखि शुरु भएको मतदान साँझ ६ बजेसम्म चलेको थियो।</p>
<p>केहीबेरपछि मतगणना शुरु हुने संघका महासचिव बद्रि केसीले जानकारी दिए।</p>
<p>निर्वाचनमा शुरुमा विद्युतीय मेशिनबाट मतदान हुने भनिएता पनि विवाद भएपछि मतपत्र प्रयोग गरिएको थियो।</p>
<p>निर्वाचनमा ४२ पदका लागि ७६ जना प्रतिस्पर्धी छन्। </p>
<p>नयाँ नेतृत्वका लागि अध्यक्षमा कुमार पन्त र कुल आचार्यबीच प्रतिस्पर्धा भइरहेको छ भने महासचिवमा जानकी गुरुङ र डा. हेमराज शर्माले उम्मेदवारी दर्ता गराएका थिए। </p>
<p>निर्वाचनले दुई वर्षका लागि ४२ सदस्यीय कार्यसमिति चयन गर्नेछ।</p>
<p>निर्वाचनमा करीब दुई हजार ५०० मतदाता छन्।</p>
<p>यसैबीच पूर्वनिर्धारित कार्यतालिकाअनुरुप आज साँझ हुने भनिएको संघको समापन समारोह नहुने भएको छ।</p>
<p>मतगणनाको परिणामपश्चात् मात्रै समापन कार्यक्रम गरिने आयोजकले जनाएको छ। <em>रासस</em></p>
प्रतिक्रिया दिनुहोस्
.jpg)
