काेराेनालाई जितेर चितवनका युवा अस्पतालबाट डिस्चार्ज
<p>चितवन। काेराेना भाइरसकाे संक्रमणाबाट मुक्त भएका चितवनका युवालाई आज डिस्चार्ज गरिएकाे छ।</p>
<p>२७ वर्षीय ती युवाकाे दुईपटकको पीसीआर परीक्षणमा कोभिड-१९ नेगेटिभ देखिएपछि डिस्चार्ज गरिएकाे भरतपुर अस्पतालले जनाएकाे छ।</p>
<p>सँगै उपचाररत उनकी ६५ वर्षीया आमाको दोस्रो पीसीआर परीक्षण रिपाेर्ट भने पोजिटिभ नै देखिएको छ।</p>
<p>अस्पतालका मेडिकल सुपरिटेन्डेन्ट डा. श्रीराम तिवारीका अनुसार ती युवालाई केही दिन क्‍वारेन्टाइनमा बस्‍न भनिएकाे छ।</p>
<p>कोभिड-१९ को संक्रमणमा परेका उनीहरू राप्ती नगरपालिका-८ का बासिन्दा हुन्। उनीहरू बेलायतबाट ५ चैतमा नेपाल फर्किएका थिए।</p>
<p>अहिलेसम्म नेपालमा ४९ जना संक्रमित देखिएकाेमा १२ जना निकाे भइसकेका छन्।</p>
प्रतिक्रिया दिनुहोस्
.jpg)
