ध्वाँसे चितुवाको छाला र सालकको खपेटासहित १ जना पक्राउ
<p>काठमाडौं। अपराध महाशाखाको विशेष प्रहरी टोलीले संरक्षित वन्यजन्तु ध्वाँसे चितुवाको छाला र दुर्लभ वन्यजन्तु सालकको खपेटासहित १ जनालाई पक्राउ गरेको छ।</p>
<p>ती सामानको कारोबार भइरहेको सुराकीको आधारमा सिन्धुपाल्चोक चौतारा साँगाचोकगढी–१३ का २१ वर्षीय रोशन राना मगर पक्राउ परेका हुन्।</p>
<p>उनलाई काठमाडौं महानगरपालिका– ३२ कोटेश्वर भाटभटेनी नजिकैबाट पक्राउ गरिएको प्रहरीले जानकारी दिएको छ।</p>
<p>प्रहरीले मगरको साथबाट संरक्षित ध्वाँसे चितुवाको छाला १ थान र दूर्लभ वन्यजन्तु सालकको खपेटा २ किलो ४ सय ग्राम बरामद गरेको छ।</p>
<p>उनलाई राष्ट्रिय निकुन्ज तथा वन्यजन्तु संरक्षण ऐन (२०२९) अन्तर्गत अनुसन्धान शुरू गरिएको प्रहरी अपराध महाशाखाले जनाएको छ। <br />
</p>
प्रतिक्रिया दिनुहोस्
.jpg)
