कीर्तिपुर क्षेत्रमा बस्ने विद्यार्थीलाई घर पठाइने
<p>काठमाडौं। लकडाउनका कारण कीर्तिपुर क्षेत्रमा समस्यामा परेका विद्यार्थीहरूलाई घर पठाइने भएको छ।</p>
<p>कीर्तिपुर नगरपालिकाका मेयर रमेश महर्जनको अध्यक्षतामा आज बसेको विद्यार्थी संगठनसँगको बैठकले घर पठाउने निर्णय गरेको उपप्रमख सरस्वती खड्काले जानकारी दिइन्।</p>
<p>त्रिभुवन विश्वविद्यालयमा अध्यननरत डेरागरी बस्ने विद्यार्थीहरू लकडाउनका कारण खान-बस्न समस्या परेपछि १५ वैशाखसम्म विवरण तयार पार्ने र त्यसपछि घर पठाउने निर्णय गरिएको उपमेयर खड्काले बताइन्।</p>
<p>नगरपालिका र विद्यार्थी संगठनको पहलमा सम्बन्धित् जिल्लाको पालिकासँग समन्वय गरेर घर पठाइने उनको भनाइ छ।</p>
<p>त्यसका लागि अहिले विवरण संकलनको काम भइरहेको छ। घर पठाउँदा विद्यार्थीहरूको स्वास्थ्य परीक्षण गरेर मात्र पठाइने उपमेयर खड्काले बताइन्।</p>
<p>लकडाउनबारे सरकारले भोलि गर्ने निर्णयपछि नगरपालिकाले थप गृहकार्य गर्ने उनको भनाइ छ। लकडाउन खोलियो भने पनि शैक्षिक संस्था लामो समयपछि खुल्ने भएकाले विद्यार्थीहरूलाई घर पठाउन सहयोग गर्न लागिएको उनले बताइन्।</p>
प्रतिक्रिया दिनुहोस्
.jpg)
