संक्रमित क्षेत्र पुगेर मुख्यमन्त्री राईले भने– 'हामी साथमा छौं, नआत्तिनुहोस्'
<p>विराटनगर। प्रदेश १ का मुख्यमन्त्री शेरधन राईले कोभिड–१९ नियन्त्रण गर्न प्रदेश सरकारले सबै ध्यान र शक्ति लगाएको भन्दै रोकथाम र उपचारमा कुनै कसर बाँकी नराख्ने बताएका छन्।</p>
<p>संक्रमित भेटिएका उदयपुर र भोजपुरको हतुवागढी गाउँपालिका हिजो, १३ वैशाखमा पुगेका राईले स्थानीयवासीहरूदाई त्रसित नभई बस्न आग्रह गरे।</p>
<p>“तपाईंहरू नआत्तिनुहोस्, परीक्षणको दायरा बढाउँछौं। बिरामीको उपचारमा केही कमी हुन दिन्नौं”, उनले भने।</p>
<p>उदयपुरको त्रियुगा नगरपालिका-३ मा २८ जना र हतुवागढी गाउँपालिकामा एकजना कोभिड-१८ का बिरामी फेला परेका छन्।</p>
<p>मुख्यमन्त्री राईको साथमा आन्तरिक मामिला तथा कानून मन्त्री हिक्मत कार्की, सामाजिक विकास मन्त्री जीवन घिमिरे पनि पुगेका थिए।</p>
<p>उदयपुरको भुल्के क्षेत्रमा स्थलगत अवलोकन गर्दै राईले स्थानीयस्तरमै उपचार गर्ने गरी उदयपुरमै कोरोना विशेष अस्पताल बनाउन लागिएको जानकारी दिए। </p>
<p>उनले कोभिड-१९ विरुद्धको लडाईंमा साथ दिन स्थानीयवासीलाई आग्रह गरेका छन्।</p>
प्रतिक्रिया दिनुहोस्
.jpg)
