लकडाउनको एक महीनामा वीरेन्द्रनगर नगरपालिकाले करीब दुई करोडको राहत बाँड्यो
<p>सुर्खेत। वीरेन्द्रनगर नगरपालिकाले लकडाउन शुरू भएयता एक करोड ९६ लाख ६३ हजार ६२३ को राहत सामग्री वितरण गरेको सार्वजनिक गरेको छ।</p>
<p>कार्यवाहक प्रमुख मोहनमाया ढकालको अध्यक्षतामा बसेको बैठकले १२ वैशाखसम्म एक हजार ६९१ परिवारलाई राहतस्वरुप विभिन्न खाद्य सामग्री वितरण गरिएको विवरण पारित गरेको हो।</p>
<p>ढकालले ज्यालादारी मजदूर, अति विपन्न परिवारलाई प्राथमिकतामा राखेर खाद्य सामग्री वितरण गरेको बताए। </p>
<p>नगरपालिकाले कोरोना संक्रमण रोकथाम नियन्त्रण तथा उपचार कोषमा प्रदेश सरकारको ३० लाख, अन्य व्यक्ति तथा संस्थाबाट छ लाख ८३ हजार २१५ गरी ३६ लाख ८३ हजार २१५ जम्मा भएको जनाएको छ।</p>
<p>कार्यपालिका बैठकले लकडाउन शुरू हुनुपूर्व सञ्चालनमा रहेका विभिन्न पूर्वाधार निर्माण कार्यलाई भौतिक दूरी कायम गरी रोगको स्थानीय प्रशासनसँग समन्वय गरेर निरन्तरता दिने निर्णय गरिएको छ। <em>रासस</em></p>
प्रतिक्रिया दिनुहोस्
.jpg)
