बेलायतमा कोभिड-१९ बाट ३३ नेपालीको मृत्यु
<p>काठमाडौं। कोरोना भाइरसको संक्रमणबाट बेलायतमा ३३ नेपालीको मृत्यु भएको छ ।</p>
<p>विभिन्‍न संचारमाध्यममा आएका समाचार, गोर्खा वेलफेयर ट्रष्ट र भूपू गोर्खा सैनिकको विवरण मिलाउँदा हालसम्म कम्तिमा ३३ नेपालीको मृत्यु भएको छ।</p>
<p>यसमा तीन महिला र बाँकी पुरुष छन्। बेलायतस्थित नेपाली राजदूतावासले भने हालसम्म ३१ जना नेपालीको मुत्यु भएको विवरण प्राप्त भएको जनाएको छ।</p>
<p>दूतावासका प्रवक्ता शरदराज आरणले दूतावासबाहेक वेलफयरले पनि छुट्टै विवरण राखेको र हिजो, १३ वैशाखमा मात्र सो आँकडा प्राप्त भएको बताएका छन्।</p>
<p>गोरखा वेलफेयर ट्रष्टमा अधिकृत तहमा कार्यरत ग्यारी घलेले ट्रष्ट भूपू गोर्खा सैनिकहरूका लागि काम गर्ने संस्था भएकाले बेलायतमा कोभिड-१९ बाट मृत्यु भएका पूर्वगोर्खाहरूको मात्र तथ्यांक राख्ने गरेकोले दूतावाससँगकै तथ्यांक फरक फरक पाइएको हुनसक्ने बताएका छन्। <em>रासस</em></p>
प्रतिक्रिया दिनुहोस्
.jpg)
