कोरोना त्रास: यार्सा टिप्न रोक लगाउँदै स्थानीय तह
<p>बझाङ। हिमाली क्षेत्रमा पाइने यार्सागुम्बा यस वर्ष टिप्न नपाइने भएको छ।</p>
<p>विश्‍वव्यापी महामारी बनेको कोभिड-१९ को त्रासका कारण जोखिमलाई ध्यान दिँदै यस वर्ष स्थानीय तहहरूले यार्सागुम्बा टिप्‍न प्रतिबन्ध लगाएका हुन् ।</p>
<p>साइपाल, सुर्मा गाउँपालिका, बुङ्गल नगरपालिकालगायत स्थानीय तहका हिमाली भेगमा पाइने यार्सागुम्बा टिप्नका लागि सधैँजसो वैशाख महिनादेखि जाने गर्थे।</p>
<p>यस वर्ष भने मानिसको भीडभाडबाट कोरोना भाइरस संक्रमणको जोखिम भएकाले टिप्न जान रोक लगाएको साइपाल गाउँपालिकाका अध्यक्ष राजेन्द्र धामीले बताए।</p>
<p>बझाङका धेरैको आम्दानीको मुख्य स्रोत यार्सागुम्बा हो।</p>
<p>यार्सा टिपेर आफ्नो घर खर्च तथा छोराछोरीको पढाइ खर्च टार्ने गरेको भए पनि यस वर्ष रोक लगाएपछि आफूहरुलाई घर खर्च चलाउन समस्या हुने साइपाल गाउँपालिकाका बमबहादुर बोहराले बताए।</p>
<p>अघिल्ला वर्षहरुमा अभिभावकसँगै बालबालिकासमेत लेकतिर जाने भएकाले विद्यायसमेत बन्द हुन्‍थ्यो।</p>
<p>तीन महिनासम्म जोखिम मोलेर टिपेको यार्सागुम्बा प्रतिकेजी नौदेखि दश लाखमा बिक्री हुने बोहराले बताए।</p>
प्रतिक्रिया दिनुहोस्
.jpg)
