Others

गृहपृष्ठ

चितवनमा ६८० जनाले पूरा गरे क्‍वारेन्टाइन चितवन । जिल्लामा ६ सय ८० जनाले क्&zwj;वारेन्टाइन अवधि पूरा गरेका छन् । कोभिड-१९ को सम्भावित जोखिमबाट बचाउन अन्यत्रबाट चितवन आएकाहरूलाई क्&zwj;वारेन्टाइनमा राखिएको थियो । जिल्ला प्रशासन कार्यालयका सूचना अधिकारी ईश्वर सिम्खडाका अनुसार सार्वजनिक क्&zwj;वारेन्टाइनमा रहेका ३५ र होम क्&zwj;वारेन्टाइनमा रहेका ६ सय ४५ जनाले अवधि पूरा गरेका हुन् । हाल सार्वजनिक क्&zwj;वारेन्टाइनमा २९ र होम क्&zwj;वारेन्टाइनमा ३७ जना छन् । लकडाउनको समयमा विभिन्&zwj;न स्थानबाट जिल्लामा आएकालाई १७ दिनसम्म क्&zwj;वारेन्टाइनमा राख्&zwj;ने गरिएको छ । हाल क्&zwj;वारेन्टाइनमा रहेकामध्ये पाँच विदेशबाट र अन्य ६१ अर्को जिल्लाबाट यहाँ आएका हुन् ।   भारतको सिमानामा रोकिएकाहरू आजबाट जिल्लामा आउने भएकाले क्&zwj;वारेन्टाइनमा बस्&zwj;नेको संख्या बढ्ने सिम्खडाले बताए ।   चितवनमा हाल तीन सयजना क्षमताको क्&zwj;वारेन्टाइन र २ सय ९९ जना क्षमताको आइसोलेसन छन् । रासस