Others

गृहपृष्ठ

नेकपाका सांसदद्वय बस्नेत र श्रेष्ठ तथा पूर्वआईजीपी खनालविरुद्ध अपहरणको जाहेरी काठमाडौं। समाजवादी पार्टीका सांसद डा. सुरेन्द्र यादवले महानगरीय प्रहरी परिसर काठमाडौंमा दुई जना सांसद् र एक पूर्वप्रहरी प्रमुखविरूद्ध आफूलाई अपहरण गरेको आरोपमा जाहेरी दिएका छन्। नेपाल कम्युनिष्ट पार्टीका सांसदद्वय महेश बस्नेत र किसान श्रेष्ठ तथा पूर्वआईजीपी सर्वेन्द्र खनालविरूद्ध अपहरण मुद्दामा अनुसन्धान गरी कारवाही गर्न माग गर्दै जाहेरी दिएका हुन्।  तीन जनाले आफूलाई धम्की दिएर जनकपुरबाट अपहरण शैलीमा उठाइ काठमाडौं ल्याएको भन्दै जाहेरी दिएको समाजवादी पार्टीका  नेता आङकाजी शेर्पाले जानकारी दिए। नयाँ बनेको जनता समाजवादी पार्टीका नेताहरू डा. बाबुराम भट्टराई, उपेन्द्र यादव, राजेन्द्र महतो लगायतसँग प्रहरी परिसर पुगेर सांसद यादवले जाहेरी दिएको शेर्पाले जानकारी दिए। अपहरण तथा शरीर बन्धक मुद्दामा अहिलेलाई तीन जनाविरूद्ध जाहेरी दिइएको र पछि बयानमा तानिने व्यक्तिलाई पनि कारवाही गर्न माग गरिएको उनले बताए। लकडाउनको बेला सरकारी गाडीको दुरूपयोग गरी आफूलाई जनकपुरबाट उठाएर काठमाडौैं ल्याई होटलमा राखिएको यादवले जाहेरीमा उल्लेख गरेको शेर्पाले सञ्चारकर्मीहरूलाई बताए।  डा. यादवको जाहेरी प्रहरीले दर्ता गरिसकेको छैन।