Others

गृहपृष्ठ

सिन्धुपाल्चोकमा युवकको हत्या, आरोपितहरु फरार काठमाडौं । सिन्धुपाल्चोकमा गएराति एक युवकको हत्या भएको छ । पाँचपोखरी थाङपाल गाउँपालिका-५ गुन्साका २८ बर्षीय विजय लामाको ह्त्या भएको प्रहरीले जनाएको छ । राति करिब सवा १० बजे स्थानीय मिलन स्याङ्बो र बमबहादुर स्याङ्बोले धारिलो हतियार प्रहार गरी विजयको हत्या गरेको खुल्न आएको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक माधवप्रसाद काफ्लेले देखापढीलाई बताए ।   हत्यामा संलग्न भनिएका दुवै फरार छन् । आरोपितहरुको खोजीका लागी नाकाहरुमा ठूलो संख्यामा प्रहरी परिचालन गरिएको पनि काफ्लेले जनाए । प्रहरी नायब उपरीक्षक काफ्लेका अनुसार साङ्वोद्वयले विजयको घाँटी रेटेर हत्या गरेका हुन् । हत्याको कारण अझै स्पष्ट भइसकेको छैन । मृतक विजयको शव मेलम्ची स्वास्थ्य केन्द्रमा लगेर पोस्टमार्टम गर्ने तयारी भइरहेको पनि काफ्लेले जानकारी दिए ।