झापाका ५० वर्षीय पुरुषमा कोरोना पोजिटिभ, संक्रमितको संख्या ५२ पुग्यो
<p>काठमाडौं। नेपालमा थप एकजनामा कोरोना भाइरस संक्रमण भेटिएको छ। </p>
<p>झापाका ५० वर्षीय पुरुषमा कोरोना पोजिटिभ देखिएको स्वास्थ्य तथा जनसंख्या मन्त्रालयले जनाएको छ।</p>
<p>मन्त्रालयका सहप्रवक्ता डा. समिरकुमार अधिकारीका अनुसार आज कोशी अस्पताल, विराटनगरमा भएको परीक्षणका क्रममा ती पुरुषमा संक्रमण पुष्टि भएको हो। </p>
<p>उनी अस्पतालको सम्पर्कमा रहेको र स्वास्थ्य अवस्था सामान्य रहेको मन्त्रालयले जनाएको छ।</p>
<p>यसअघि झापामा एक जनामा कोभिड-१९ देखिएको थियो। </p>
<p>योसँगै नेपालमा संक्रमितको संख्या ५२ पुगेको छ। प्रदेश १ मा मात्र कोरोना भाइरस संक्रमण पुष्‍टि भएका बिरामीको संख्या ३१ पुगेको छ।</p>
<p>अहिलेसम्म नेपालमा कोरोना संक्रमित १६ जना उपचार पछि निको भएर घर फर्किसकेका छन्।</p>
प्रतिक्रिया दिनुहोस्
.jpg)
