औषधि र स्वास्थ्य सामग्री लिन हिमालय एअरलाइन्सकाे जहाज गोन्जाओ गयो
<p>काठमाडौं। हिमालय एअरलाइन्सले जहाज स्वास्थ्य सामग्री लिनको लागि चीनको गोन्जाओ गएको छ।</p>
<p>हिमालय एअरलाइन्सको न्यारोबडी जहाज आज साँझ ५ः२० बजे त्रिभुवन अन्तर्राष्ट्रिय विमानस्थलबाट गोन्जाओतर्फ प्रस्थान गरेको विमानस्थलका अधिकारीले बताएका छन्।</p>
<p>हिमालय एअरलाइन्सको उक्त चार्टर्ड जहाजलाई कार्गो उडानको लागि अनुमति दिइएको नेपाल नागरिक उडड्यन प्राधिकरणका प्रवक्ता राजकुमार क्षेत्रीले बताए।</p>
<p>उक्त जहाज गोन्जाओबाट औषधी लगायत स्वास्थ्य सामग्री लिएर १५ वैशाखको बिहान ७ः१५ मा काठमाडौं आइपुग्ने उडान तालिका रहेको छ।</p>
<p>यसअघि नेपाल एअरलाइन्सको जहाजले चार्टर्ड उडानमार्फत चीनको गोन्जाओबाट औषधी लगायत स्वास्थ्य सामग्री ल्याएको थियो।</p>
प्रतिक्रिया दिनुहोस्
.jpg)
