वुहानका सबै अस्पतालमा उपचाररत् काेभिड-१९ का बिरामी निकाे भएर घर फर्किए
<p>वुहान। काेभिड-१९ काे उद्गमस्थल चीनको वुहान शहरका अस्पतालहरूमा उपचाररत सबै कोभिड-१९ संक्रमित व्यक्ति उपचारपछि आज घर फर्किएका छन्।</p>
<p>दिङ थरका ७७ वर्षीय पुरूष चीनको मध्य क्षेत्र हुबेईको राजधानी वुहानमा कोभिड-१९ को संक्रमणपछि निको भएर घर फर्किने सबैभन्दा पछिल्लो व्यक्ति भएका छन्।</p>
<p>दिङको दोस्रो परीक्षणको रिपोर्टमा पनि कोरोना भाइरसको संक्रमण नदेखिएपछि उनलाई आज घर पठाइएको वुहान नगर स्वास्थ्य आयोगका अधिकारीले बताएका छन्।</p>
<p>आजकाे घोषणा कोरोना भाइरसबाट सबैभन्दा बढी प्रभावित चिनियाँ शहर वुहानको लागि महत्त्वपूर्ण क्षण बनेको छ।</p>
<p>चीनको वुहानमा विगत पाँच दिनदेखि संक्रमितको संख्या दुई अंकमा झरेको लगातार पाँच दिनपछि र हुबेईमा सबैभन्दा बढी दैनिक ५० हजार ६३३ बिरामी र वुहानमा ३८ हजार २० बिरामीलाई सेवा दिएको ७० दिनपछि राष्ट्रिय स्वास्थ्य आयोगको उक्त घोषणा आएको हो ।</p>
<p>हालसम्म चीनमा ८२ हजार ८२७ जनामा संक्रमण पुष्टि भएको छ भने ८०१ जना बिरामीको चीनभर उपचार भइरहेको छ। राष्ट्रिय स्वास्थ्य आयोगका अनुसार चीनमा ७७ हजार ३९४ संक्रमित व्यक्ति निको भएर घर फर्किएका छन्। <em>रासस/सिन्हवा</em></p>
प्रतिक्रिया दिनुहोस्
.jpg)
