भोजपुरका संक्रमितको परिवारसहित १४ जनाको कोभिड-१९ रिपोर्ट नेगेटिभ
<p>भोजपुर। कोभिड-१९ देखिएका हतुवागढी गाउँपालिका-६ का २६ वर्षीय युवकको परिवार तथा सम्पर्कमा रहेका १४ जनाको थ्रोट स्वाब नमूनाको नतिजा नेगेटिभ आएको छ।</p>
<p>३० फागुनमा साउदीबाट कामाडौं हुँदै ११ चैतमा घर फर्किएका उनलाई ११ वैशाखका कोरोना संक्रमण पुष्‍टि भएको थियो।</p>
<p>उनको परिवारका सदस्य तथा नजिकको सम्पर्कमा आएकाहरूमा गरिएको कोभिड-१९ परीक्षण रिपोर्ट नेगेटिभ देखिएको हतुवागढी गाउँपालिकाका अध्यक्षा प्रेमकुमार राईले बताए।</p>
<p>ती १४ जनाको थ्रोट स्वाब नमूना परीक्षणका लागि धरानस्थित बिपी कोइराला स्वास्थ्य विज्ञान प्रतिष्‍ठान लगिएको थियो।</p>
<p>संक्रमित युवकको भने विराटनगरस्थित कोशी अस्पतालमा उपचार भइरहेको छ।</p>
प्रतिक्रिया दिनुहोस्
.jpg)
