प्रदेश १ मा कोरोना संक्रमितको संख्या ३१ पुग्यो, ५५१८ जनाको नमूना परीक्षण
<p>विराटनगर। प्रदेश १ मा कोरोना संक्रमितको संख्या ३१ जना पुगेको छ।</p>
<p>हिजो, १४ वैशाखमा झापामा थप एकजनामा पोजटिभ पाइएको हो। झापामा स्रक्रमण पुष्टि भएकाको संख्या दुईजना पुगेको छ।</p>
<p>त्यसबाहेक उदयपुरको त्रियुगा नगरपालिका-३ मा २८ जना र भोजपुरको हतुवागढी गाउँपालिकामा एक जना फेला परेका छन्।</p>
<p>सबैजना विराटनगरस्थित कोशी अस्पतालको आइसोलेसनमा उपचाररत् छन्।</p>
<p>यस प्रदेशमा अहिलेसम्म पाँच हजार ५१८ जनाको कोभिड-१९ परीक्षण गरिएको छ। </p>
<p>त्यसमध्ये आरडीटीबाट चार हजार ५४५ जना र पीसीआरबाटबाट ९७३ जनाको नमूना परीक्षण गरिएको मुख्यमन्त्री तथा मन्त्रिपरिषद् कार्यालय कोरोना सूचना डेस्कले जनाएको छ।</p>
<p>प्रदेश सरकारले निर्माण गरेका क्वारेन्टाइन स्थलमा बस्नेको संख्या हिजो, १४ वैशासम्म एक हजार ७७१ जना पुगेको छ। ४७ जना डिस्चार्ज भएका छन्।</p>
<p>क्वारेन्टाइनमा ३०८ महिला र एक हजार ४६३ पुरुष छन्। कोरोना संक्रमणको आशंकामा स्वास्थ्यकर्मीको निगरानीमा आइसोलेसनमा ३० जना छन्। एकजना डिस्चार्ज भएका छन्।</p>
प्रतिक्रिया दिनुहोस्
.jpg)
