सिंगापुर बन्यो कोरोना भाइरसबाट संक्रमित एशियाकै तेस्रो देश
<p>सिंगापुर। एशियाको सानो जनसंख्या भएको मुलुक सिंगापुर विश्‍वकै धेरै जनसंख्या रहेका चीन र भारतपछि कोरोना भाइरस संक्रमणको दर उच्च हुने देश बनेको छ। </p>
<p>यस टापु देशमा आइतबार २४ घण्टामा कोभिड-१९ का नौ सय ३१ जना नयाँ बिरामी फेला परे। जापानको संक्रमण दरलाई तल पार्दै सिंगापुरमा कोभिड-१९ का १३ हजार बिरामी भेटिइसकेका छन्, सिंगापुरमा। अब त्यसभन्दा माथि एशियामा चीन र भारतको बिरामी संख्या मात्र छ।</p>
<p>सिंगापुरमा सबैभन्दा बढी संक्रमण आप्रवासी मजदुरमा देखिएको छ, जो डर्मेटरिजका साँघुरा क्‍वार्टरमा बस्छन्। साँघुरो ठाउँमा धेरै मजदुरको बसोबास नै सिंगापुरका लागि कोरोना भाइरसको संक्रमण बढ्ने मुख्य कारण बनेको छ।</p>
<p>सिंगापुरकै नागरिक भने जम्मा १५ जनामा संक्रमण फेला परेको छ। </p>
<p>करिब ५७ लाख जनसंख्या रहेको सिंगापुरले १ जुनसम्मलाई लकडाउन लम्ब्याएको छ। कोरोना भाइरसको विश्‍वव्यापी फैलावटसँगै सिंगापुर पनि तीव्र आर्थिक संकुचनमको चपेटामा पर्दैछ। चार प्रतिशतभन्दा बढीको आर्थिक मन्दीको अनुमान स्थानीय अर्थशास्त्रीहरूले गरिसकेका छन्।</p>
<p>अमेरिकाको न्युयोर्क शहरभन्दा सानो क्षेत्रफलको देश सिंगापुरमा हालसम्म कोभिड-१९ का कारण १२ जनाले ज्यान गुमाएका छन्।</p>
प्रतिक्रिया दिनुहोस्
.jpg)
