खाँदबारीमा अलपत्र परेका रसुवाका २५ पर्यटन मजदूरको उद्धार
<p>खाँदबारी। संखुवासभाको मकालु हिमाल ट्रेकिङका लागि आएर अलपत्र परेका २५ जनालाई रसुवाको कालिका गाउँपालिकाले उद्धार गरेको छ।</p>
<p>उनीहरु पर्यटकको भरियाका रूपमा संखुवखसभा आएका थिए ।</p>
<p>खाँदबारीमै अलपत्र परेका उनीहरूलाई उद्धार गरिएको हो।</p>
<p>लकडाउन शुरू हुनुअघि नै उनीहरू भोटखोला गाउँपालिकाको हटिया पुगेका थिए।</p>
<p>त्यहाँ छ दिन अलपत्र परेपछि भोटखोला गाउँपालिकाले अनुमति दिएर सदरमुकाम खाँदबारी पठाएको सोलुखुम्बुको खुम्बु पासाङल्हमु गाउँपालिकाका लोप्लाङ शेर्पाले जानकारी दिए।</p>
<p>भोटखोलाबाट खाँदबारी आएपछि २६ दिन अन्नपूर्ण होटल, खुम्बुमा बास बसेको शेर्पाले बताएका छन्।</p>
<p>मकालु हिमाल ट्रेकिङका लागि चैनपुरको गुफाखोखरी हुँदै आएका पर्यटक भने सभापोखरी गाउँपालिकामा आइपुगेर रोकिएपछि आफू हटियाबाट फर्किएको उनले बताए।</p>
<p>विदेशी पर्यटकहरु केही दिन अघि कैलाश एयरको हेलिकप्टरबाट फर्किसकेका छन्। <em>रासस</em></p>
प्रतिक्रिया दिनुहोस्
.jpg)
