लकडाउनको अटेर गर्दै कैलालीका पेट्रोल पम्पमा भीडभाड
<p>कैलाली। कोरोना भाइरस संक्रमणको जोखिमका बीच लकडाउनको अटेर गर्दै यहाँको पेट्रोल पम्पमा भीड लागेको छ।</p>
<p>भौतिक दूरी कायम नगरी मोटरसाइकलमा पेट्रोले भर्नेहरू आज बिहानैदेखि लाम लागेका छन्। </p>
<p>भजनी नगरपालिका-१ मा रहेको जियालाल आचार्यले संचालन गरेको जयलक्ष्मी पेट्रोल पम्पमा सोमबार बिहानैदेखी सयौंको संख्यामा मोटरसाइकल, ट्याक्टर र सुरक्षाकर्मीको गाडीमा पेट्रोल र डिजेल भर्नेको भीड छ।</p>
<p><img alt="" height="443" src="https://www.dekhapadhi.com/storage/photos/shares/COVID-19/lock down/kailali petrol.jpg" width="960" /></p>
<p>इलाका प्रहरी कार्यालय भजनीका प्रमुख इन्सपेक्टर जनक धामीले प्रहरीले लाइन मिलाएर पेट्रोल भर्ने व्यवस्था मिलाएको बताए।</p>
<p>बिरामी तथा अत्यावश्यक कामका लागि र सुरक्षाकर्मीहरुलाई मात्रै तेल भर्न दिइएको धामीले बताएका छन्।</p>
<p>तर, त्यहा देखिएको सयौंको संख्यामा तेल भर्नेको भिडले भने त्यस्तो देखाउँदैन।</p>
<p>लम्की, टीकापुरको पेट्रोल पम्पमा पनि त्यत्तिकै भीड छ।</p>
प्रतिक्रिया दिनुहोस्
.jpg)
