कोभिड-१९ संकट : कर्मचारी कटौतीको तयारीमा एयरबस
<p>लन्डन। युरोपेली विमान निर्माता एयरबसका प्रमुख कार्यकारी अधिकृत (सीईओ) गिलम फुरेले कोभिड-१९ महामारीका कारण कम्पनी गम्भीर आर्थिक संकटको दिशामा रहेको बताएका छन्।</p>
<p>कम्पनीको नगद प्रवाह तीव्र गतिमा ओरालो लागेको जानकारी उनले कामदारहरूलाई दिएका हुन्। एयरबसले अप्रिलदेखि विमान उत्पादनमा एक तिहाइले कटौती गर्ने घोषणा गरिसकेको छ।</p>
<p>समाचार एजेन्सी रोयटर्सका अनुसार आफ्ना एक लाख ३५ हजार कर्मचारीलाई गहिरिँदो आर्थिक संकटका कारण कामदार कटौतीको विकल्प नभएको सीईओ फुरेले बताएका छन्। </p>
<p>निर्माणाधीन र तयार भइसकेका विमानहरू डेलिभरी नहुने अवस्था देखिएको उनले बताए। हवाई उद्योगका समाचार कभर गर्ने न्युजपोर्टल फ्लाइट ग्लोबलका ग्रेग वाल्ड्रनले आफूले यसअघि नै गरेको भविष्यवाणी सत्य सावित हुने क्रममा रहेको बताए।</p>
<p>कोरोना भाइरसका कारण उत्पन्‍न जटिल परिस्थितिबाट बाहिर निस्किन कर्मचारी कटौतीको विकल्प नभएको सीईओ फुरेले उल्लेख गरे।</p>
प्रतिक्रिया दिनुहोस्
.jpg)
