Others

गृहपृष्ठ

अध्यादेशले संशोधन गरेका कानूनका पुरानै दफा कायम गर्न राष्ट्रपतिले जारी गरिन् नयाँ अध्यादेश काठमाडौं। राष्ट्रपति विद्यादेवी भण्डारीले नयाँ अध्यादेश जारी गरेकी छन्। 'केही अध्यादेश खारेज गरी नेपाल ऐनको साविकको व्यवस्था जगाउने अध्यादेश, २०७७' जारी गरेकी हुन्। १२ वैशाखको मन्त्रिपरिषद्ले पारित गरेपछि उही दिन जारी यो अध्यादेश १४ वैशाख अबेर राति राजपत्रमा प्रकाशित भएको छ।  यो अध्यादेशले 'संवैधानिक परिषद् (काम, कर्तव्य, अधिकार र कार्यविधि) सम्बन्धी (पहिलो संशोधन) अध्यादेश, २०७७' र 'राजनीतिक दलसम्बन्धी (दोस्रो संशोधन) अध्यादेश, २०७७' खारेज गरेको छ। साथै खारेज हुनुपूर्व यी दुई अध्यादेशले संशोधन गरेका संवैधानिक परिषद्सम्बन्धी ऐन र राजनीतिक दलसम्बन्धी ऐनका सम्बन्धित दफाहरू पनि जगाएको छ।  नयाँ अध्यादेशको दफा ३ मा अघिल्ला दुई अध्यादेशले ती दुई ऐनमा गरेको संशोधन हुनुभन्दा तत्काल अघि कायम रहेको व्यवस्था स्वत: जागेको मानिने प्रावधान छ।