Others

गृहपृष्ठ

नयाँ बजेटको तयारीमा सुदूरपश्‍चिम प्रदेश सरकार धनगढी। सुदूरपश्&zwj;चिम प्रदेश सरकार आगामी आर्थिक वर्ष २०७७/०७८ का लागि नयाँ बजेट ल्याउने तयारीमा जुटेको छ। वैशाख तेस्रो साताभित्र सिलिङ ल्याउनेगरी नयाँ बजेट निर्माणको तयारीमा प्रदेश सरकार जुटेको हो। प्रदेश सरकारका आर्थिक मामिला तथा योजना मन्त्री झपट बोहराले नयाँ बजेट निर्माणको गृहकार्यमा जुटेको बताए।  मन्त्रालयको स्रोत तथा मापदण्ड समितिले आन्तरिक स्रोतहरूको प्रतिवेदनसमेत बनाइसकेको बताउँदै मन्त्री बोहराले विषयगत मन्त्रालयहरूलाई बजेटको सिलिङ पठाउन आग्रह गरिएको जानकारी दिए। संघीय सरकारले समेत सुदूरपश्&zwj;चिम प्रदेश सरकारलाई वित्तीय समानीकरण र राजश्&zwj;व बाँडफाँटको बजेट सिलिङ पठाइसकेको अवस्थामा आफूहरू पनि तयारीमा जुटेको मन्त्री बोहराले बताए। संघीय सरकारले आगामी आर्थिक वर्षमा सुदूरपश्&zwj;चिम प्रदेश सरकारलाई ८ अर्ब ४२ करोड ४३ लाखको वित्तीय समानीकरण र ७ अर्ब ८७ करोड ३६ लाखको राजश्&zwj;व बाडफाँटका लागि रकम छुट्याएको उनले बताए। मन्त्री बोहराले बजेटको चालु आर्थिक वर्षको तुलनामा बजेटको आकार बढ्ने बताउँदै सरकारले थप्&zwj;ने लकडाउनले पनि बजेटको आकारमा प्रभाव पार्ने बताए। आउँदो बजेट कोरोना भाइरसविरुद्ध केन्द्रित हुने उल्लेख गर्दै उनले प्रदेशमा कोरोनाले पारेको असरलाई रिकभर गर्नेगरी बजेटको प्राथमिकता निर्धारण गरिने बताए। स्वास्थ्य, कृषि, रोजगार, साना तथा लघु उद्यम र विकास निर्माणलाई प्राथमिकतामा राखेर बजेट ल्याइने उनको भनाइ छ। यस्तै, चालु आर्थिक वर्षको बजेट खर्च उत्साहाजनक देखिएको छैन। कोरोनाका कारण बजेट खर्चमा भारी गिरावट आएको छ।  चैत मसान्तसम्ममा चालू आर्थिक वर्षको कुल विनियोजित बजेट २८ अर्ब १६ करोड २० लाख रुपैयाँमध्ये जम्मा २१ प्रतिशत मात्रै खर्च भएको छ।  गत आर्थिक वर्षमा २५ अर्ब रुपैयाँको बजेट विनियोजन गरेको प्रदेश सरकारले ६० प्रतिशतको हाराहारीमा खर्च गरेको थियो।  मन्त्री बोहराले कोरोना भाइरसका कारण देशैभर लकडाउन भएपछि प्रदेश सरकारको सम्पूर्ण विकास निर्माण ठप्प हुँदा बजेट खर्च नभएको बताए। उनले चालू आर्थिक वर्षमा कुल बजेटको बढीमा ५० प्रतिशत बजेट मात्रै खर्च गर्न सक्ने बताए।  चालु आबमा खर्च हुन नसक्ने बजेटको बाँकी अंश अब आउने आर्थिक वर्ष २०७७/०७८ को बजेटमा समावेश गरी बजेटको आधार बढाउने तयारीमा लागेको मन्त्री बोहराले बताए। उनले अब आउने बजेट अनुमानित ३३/३४ अर्बको हुने बताए।