इटालियन सिरी 'ए' मा ४ मेबाट प्रशिक्षण शुरू
<p>काठमाडौं। इटली सरकारले लकडाउन खुकुलो बनाउने निर्णय गरेपछि शीर्ष डिभिजन लिग सिरी ‘ए’ क्लबहरूले ४ मेबाट खेलाडीलाई व्यक्तिगत रूपमा तथा १८ मेबाट सामुहिक प्रशिक्षण गराउने भएको छ।</p>
<p>यससँगै सिजनको अन्त्य हुने अगष्टमै सकिने गरी इटालियन सिरी ‘ए’ २७ मे र २ जुनको बीचबाट पुनः शुरू हुने सक्ने बताइएको छ।</p>
<p>तथापी कुनै औपचारिक घोषणा भने गरिएको छैन।</p>
<p>यूरोपमा कोरोना भाइरस संक्रमणबाट बढी प्रभावित देशमध्ये पर्ने इटलीका पार्कहरू पनि खुला गरिएको छ।</p>
<p>इटलीमा हिजो कोरोना संक्रमणकै कारण २६० जनाको मृत्यु भएको थियो। यो संख्या १४ मार्चयताकै सबैभन्दा कम हो।</p>
<p>प्रधानमन्त्री जुसेप कोन्टेले टेलिभिजनमा सम्बोधन गर्दै खेलाडीले व्यक्तिगत रूपमा ४ मे तथा समूहमा १८ मेबाट प्रशिक्षण गर्नसक्ने र त्यसपछिको परिस्थिति अनुसार अर्को निर्णय गर्न सकिने बताएका थिए।</p>
प्रतिक्रिया दिनुहोस्
.jpg)
