लकडाउनकाे माैका छाेप्दै महाेत्तरीमा सालकाे रूख काट्दै गरेका एकजना पक्राउ
<p style="text-align:justify">महाेत्तरी। कोभिड-१९ को जोखिम हुन दिन लकडाउन जारी रहँदा डिभिजन वन कार्यालयले तीनकोसे जंगलमा रुख काट्दै गरेका अवस्थामा एकजनालाई पक्राउ गरेको छ।</p>
<p style="text-align:justify">पक्राउ पर्नेमा बर्दिवास नगरपालिकाअन्तर्गत पर्ने माइस्थान चेरुका ४५ वर्षीय झोकिलाल लामा रहेको सो कार्यालयका प्रमुख हेमन्त साहले जानकारी दिए।</p>
<p style="text-align:justify">तीनकोसे झाडीअन्तर्गत पानी खोल्सी प्राकृतिक वन क्षेत्रमा सालको रुख काट्दै गरेका लामालाई सशस्त्र वन सुरक्षाकर्मीसहितको टोलीले आज नियन्त्रणमा लिएको हो।</p>
<p style="text-align:justify">पक्राउ परेका लामालाई सशस्त्र वन सुरक्षा शाखा माइस्थानको हिरासतमा राखी वन ऐन २०७६ अनुसार मुद्दा चलाउने तयारी भइरहेको प्रमुख साहले जानकारी दिए। <em>रासस</em></p>
.jpg)
