काेभिड-१९ का कारण इजरायलमा १० लाख बढी बेरोजगार
<p>इजरायल। इजरायलमा कोरोना भाइरसको संक्रमण फैलिन थालेपछि अहिलेसम्म थप १० लाखभन्दा बढी बेरोजगार भएका छन्।</p>
<p>इजरायली रोजगार सेवा (आइईएस)ले दिएको जानकारीअनुसार अहिलेसम्म कूल १० लाख ११ हजार २०५ जना बेरोेजगार भएका हुन्।</p>
<p>यो विवरण यही १ मार्चदेखिको भएको अधिकारीहरूले बताएका छन्। त्यसको तीन दिनपछि इजरायलमा पहिलो कोरोना भाइरस संक्रमित भेटिएका थिए।</p>
<p>आज मात्रै ११ हजार ९३० जनाले बेरोजगार भत्ताका लागि निवेदन पनि दिएका छन्। इजरायलमा बेरोजगार भत्ताका लागि दैनिक निवेदन पर्ने गरेको छ।</p>
<p>त्यसमध्ये ५ अप्रिलदेखि अहिलेसम्म निवेदन दिएकामध्ये आजको संख्या सबैभन्दा धेरै हो। <em>रासस/एएनआई</em></p>
प्रतिक्रिया दिनुहोस्
.jpg)
