कोरोना अपडेटः नयाँ केस भेटिएन, पीसीआर थपियो
<p>काठमाडौं। नेपाल आज कोरोना भाइरसका नयाँ बिरामी भेटिएका छैनन्। </p>
<p>हिजो १४ वैशाखमा कोरोना भाइरस संक्रमित तीन जना बिरामी थपिएका थिए। </p>
<p>नमूना परीक्षणको कामलाई देशैभर तीब्र पारेको जनाउँदै स्वास्थ्य तथा जनसंख्या मन्त्रालयले आज नयाँ बिरामी नथपिएको जनाएको हो।</p>
<p>बरु काठमाडौं उपत्यकाबाहिर थप एक ठाउँबाट पीसीआर प्रविधिमार्फत् परीक्षणको व्यवस्था मिलाइएको छ।</p>
<p>दाङको राप्ती स्वास्थ्य विज्ञान प्रतिष्ठानबाट पीसीआर विधिबाट परीक्षण थालिएको मन्त्रालयले जनाएको छ। यो सँगै नेपालमा <a href="https://www.dekhapadhi.com/news/11416" target="_blank"><span style="color:#c0392b">१६ स्थानबाट पीसीआर परीक्षण </span></a>हुन थालेको छ।</p>
<p>अहिलेसम्म <a href="https://www.dekhapadhi.com/news/11417" target="_blank"><span style="color:#c0392b">साढे ५३ हजार नमूना परीक्षण गरिएको र २९ हजार व्यक्ति क्वारेन्टाइनमा रहेका</span></a> मन्त्रालयले जनाएको छ।</p>
<p>मन्त्रालयका अनुसार हालसम्म प्रदेश १ मा चार हजार ५४५, प्रदेश २ मा पाँच हजार २०८, बागमतीमा सात हजार ६२६, गण्डकीमा चार हजार ९२४, प्रदेश ५ मा तीन हजार ४७१, कर्णाली प्रदेशमा पाँच हजार १२८ र सुदूरपश्चिम प्रदेशमा ११ हजार ९६१ नमूना परीक्षण भएका छन्।</p>
<p>मन्त्रालयमा अनुसार अहिले देशैभर क्वारेन्टाइनमा रहेका मानिसहरूको संख्या बढेको छ।</p>
<p>पछिल्लो तथ्यांकअनुसार देशैभर रहेका क्वारेन्टाइनमा अहिले २० हजार १९५ जना मानिस छन्। केहीदिन यता देखि क्वारेन्टाइनमा बस्ने मानिसहरूको संख्या वृद्धि भएको हो।</p>
<p>कोरोना संक्रमितको संख्या थपिएसँगै ट्रेसिङपछि क्वारेन्टाइनमा बस्ने मानिसहरूको संख्या पनि बढेको हो।</p>
<p>नेपालमा अहिलेसम्म<a href="https://www.dekhapadhi.com/news/11363" target="_blank"><span style="color:#c0392b"> ५२ जनामा संक्रमण देखिएकोमा तीमध्ये १६ जना निको भएर घर फर्किसकेका</span></a> छन्।</p>
प्रतिक्रिया दिनुहोस्
.jpg)
