झापाको बाह्रदशी गाउँपालिकामा आजदेखि 'मास टेष्ट' गरिँदै
<p>काठमाडौं। झापाको बाह्रदशी गाँउपालिकामा आजदेखि समुदाय स्तरमा परीक्षण गरिँदैछ।</p>
<p>वडा नम्बर ४ निवासी ५० वर्षीय पुरुषलाई दुई दिनअघि कोभिड-१९ पुष्‍टि भएपछि सावधानी अपनाउँदै हिजो, १६ वैशाखमा गाउँकार्यपालिकाको बैठक बसेर गाउँपालिकामा चार किल्ला तोकेर 'सिल' गरिएको छ।</p>
<p>भारतबाट फर्किएका उनलाई संक्रमण पाइएपछि समुदायस्तरमा परीक्षण गर्न आवतजावत लगायतका कुनै पनि गतिविधि गर्न पूर्ण रूपमा निषेध गरिएको छ।</p>
<p>संक्रमितको परिवारका सदस्य र सम्पर्कमा आएका व्यक्तिहरूको पहिचान गरी थ्रोट स्वाब नमूना परीक्षण गर्न लागिएको गाउँपालिकाका अध्यक्ष खड्गप्रसाद राजवंशीले बताए।</p>
<p>जिल्ला जनस्वास्थ्यसँग समुदायको परीक्षणका लागि समन्वय भइसकेकोले आजदेखि नमूना संकलन थालिने राजवंशीले जानकारी दिएका छन्।</p>
<p>यसअघि १२ वैशाखमा झापा दमकका ६२ वर्षीय पुरुषमा कोभिड-१९ देखिएको थियो।</p>
प्रतिक्रिया दिनुहोस्
.jpg)
