ट्रम्पको निशानामा फेरि चीन, भने- कोरोना भाइरस उत्पत्ति भएकै ठाउँमा रोक्न सकिन्थ्यो
<p>वासिङ्टन। अमेरिकी राष्‍ट्रपति डोनाल्ड ट्रम्प दैनिक ह्वाइट हाउसमा प्रेस कन्फरेन्समा उपस्थित हुन्छन्। दैनिक उनी कसै नै कसैमाथि खनिन्छन्। कोरोना भाइरसको संक्रमण शुरु भएयता उनले कहिले चीन त कहिले विश्‍व स्वास्थ्य संगठनमाथि निशाना साँधिरहेका छन्। पछिल्लो प्रेस कन्फरेन्समा उनी फेरि चीनतिर खनिए।</p>
<p>‘हामी चीनसँग पटक्कै खुशी छैनौं,’ ट्रम्पले भने, ‘हामी पूरै परिस्थितिमा खुशी छैनौं। किनकि, यसलाई त्यहीं रोक्न सकिन्थ्यो, जहाँबाट यो शुरु भएको थियो।’</p>
<p>त्यसैले कोरोना भाइरसलाई लिएर चीनको प्रतिक्रियालाई लिएर गम्भीर जाँच शुरु गरिएको उनको दाबी थियो। कोरोना भाइरसलाई तत्कालै रोक्न सकेको भए संसारभर नफैलिने उनले बताए।</p>
<p>तर, विशेषज्ञहरूको भनाइमा चीनमा कोरोना भाइरस देखिएर अमेरिकासम्म पुग्‍ने अवधिसम्ममा ट्रम्प प्रशासनसामु तयारी गर्ने प्रशस्त समय रहेको बताउँदै आएका छन्। त्यही समय सदुपयोग गर्न नसक्दा अमेरिका सबैभन्दा बढी चपेटामा आएको उनीहरूको भनाइ छ।</p>
<p>चीनतर्फ इशारा गर्दै ट्रम्पले भने, ‘उसले हामीलाई मात्र होइन, पूरै दुनियाँलाई बचाउन सक्ने थियो।’</p>
प्रतिक्रिया दिनुहोस्
.jpg)
