एकजना संक्रमित भेटिएको झापाको दमकमा ८४ जनाको नमूना संकलन
<p>दमक। झापाको दमकमा हालसम्म ८४ जनाको कोभिड-१९ परीक्षणको लागि थ्रोट स्वाब नमूना संकलन गरिएको छ।</p>
<p>चार दिनअघि दमक-३ का एक ६२ वर्षीय पुरुषमा कोरोना भाइरसको सङ्क्रमण पुष्टि भएको छ।</p>
<p>अहिलेसम्म दमकमा ८४ जनाको पीसीआर परीक्षण गरिएको दमक अस्पतालका निमित्त मेडिकल सुपरिटेन्डेन्ट डा. खड्गलाल लिम्बूले बताए।</p>
<p>पहिलो चरणमा दमकका विभिन्न क्षेत्रका शंकास्पद ३० जनामा परीक्षण गरिएको र त्यसमा ती वृद्धमा सङ्क्रमण देखिएको हो।</p>
<p>त्यस्तै दुई दिनअघि संक्रमित व्यक्तिसँग सम्पर्कमा आएका ५४ जनाको आरडीटी परीक्षण तथा स्वाब सङ्कलन गरी धरानस्थित बिपी कोइराला स्वास्थ्य विज्ञान प्रतिष्ठानको प्रयोगशालामा पठाइएको छ।</p>
<p>पीसीआर परीक्षणको नतिजा आजसम्म आउनेछ। संक्रमित क्षेत्रमा डा. लिम्बूको संयोजकत्वमा स्वास्थ्यकर्मी, प्राविधिकको छुटाछुट्टै चार टोली परिचालित छन्। <em>रासस</em></p>
प्रतिक्रिया दिनुहोस्
.jpg)
