उदयपुरबाट थप ९१ जनाको नमूना विराटनगर पठाइयो
<p>उदयपुर। कोरोना संक्रमणको केन्द्रविन्दु बनेको उदयपुरबाट ९१ जनाको थ्रोट स्वाब नमूना संकलन गरी परीक्षणका लागि प्रदेश जनस्वास्थ्य प्रयोगशाला पठाइएको छ ।</p>
<p>स्वास्थ्य कार्यलय उदयपुरका अनुसार १४-१५ वैशाखमा ती स्वाब संकलन गरिएको हो।</p>
<p>त्रियुगा नगरपालिका गाईघाट डीएम गेट टोल, मोतीगडा, फिल्डमा खटिएका केही स्वास्थ्यकर्मीसहित भुल्के क्षेत्रका नागरिकको नमूना परीक्षणका लागि विराटनगर पठाइएको स्वास्थ्य कार्यालय प्रमुख मोहन सुवेदीले बताए।</p>
<p>ती नमूनाको रिपोर्ट भोलिसम्म आउने बताइएको छ।</p>
<p>अब त्यस क्षेत्रमा अहिले संकलन गरिएका नमूनाको नतिजाको आधारमा थप स्वाब संकलन गरिने सुवेदीले जानकारी दिए।</p>
<p>उदयपुरको त्रियुगा नगरपालिका-३ भुल्केबस्तीमा कोभिड-१९ का २८ जना बिरामी फेला परेका छन्। <em>रासस</em></p>
प्रतिक्रिया दिनुहोस्
.jpg)
