चीनको सांघाईमा बालबालिका स्कुल जान थाले, तर आशंका कायम
<p>सांघाई । चीनको सबैभन्दा ठूलो शहर सांघाईमा बालबालिका विद्यालय जान थालेका छन् ।</p>
<p>हाइस्कुल र मिडिल स्कुलका अन्तिम वर्षका बालबालिकाका लागि पठनपाठन खुला गरिएको हो । खासगरी, विश्वविद्यालय प्रवेश परीक्षाको तयारीमा रहेका बालबालिकाका लागि विद्यालय खुला गरिएको अधिकारीहरूको भनाइ छ । </p>
<p>विश्वविद्यालय प्रवेश परीक्षा आगामी जुलाईमा हुँदैछ । कोरोना भाइरसको संक्रमण शुरु भएको वुहान शहरमा ६ मेदेखि नै विद्यालयहरू खुलिसकेका थिए ।</p>
<p>विद्यालय पुगेका बालबालिकालाई भौतिक दूरी कायम राख्न भनिएको छ ।</p>
<p>कोभिड–१९ को महामारी धेरै हदसम्म नियन्त्रण आइसकेको चीन सरकारको दाबी छ । गत शुक्रबारयता चीनमा २६ जना नयाँ बिरामी मात्र फेला परेका छन् । </p>
<p>बीबीसीका अनुसार त्यससहित चीनमा कुल संक्रमितको संख्या ८२ हजार आठ सय ३० पुगेको छ । कोभिड–१९ को उद्गम स्थल वुहानका अस्पतालहरूमा बिरामी बाँकी नरहेको अधिकारीहरूको भनाइ छ ।<br />
</p>
प्रतिक्रिया दिनुहोस्
.jpg)
