यस्तो छ प्रदेश १ का कोरोना संक्रमित ३१ जनाको स्वास्थ्य अवस्था
<p>विराटनगर। प्रदेश १ मा उपचार गराइरहेका कोभिड-१९ का ३१ जना बिरामीको स्वास्थ्य अवस्था सामान्य रहेको छ।</p>
<p>विराटनगरस्थित कोशी अस्पतालको आइसोलेसनमा उपचाररत् उनीहरूलाई सामान्य औषधि चलाइएको छ।</p>
<p>कसैमा पनि जटिल स्वास्थ्य समस्या नदेखिएको उपचारमा संलग्न चिकित्सकले बताएका छन्।</p>
<p>त्यहाँ उदयपुरका २८, झापाका दुई र भोजपुरका एकजनाको उपचार भइरहेको छ। </p>
<p>हालसमम यस प्रदेशमा पाँच हजार ९०० सयजनाको कोभिड-१९ परीक्षण गरिएको छ।</p>
<p>पीसीआर प्रविधिबाट एक हजार १९ जना र आरडीटीबाट चार हजार ८८१ जनाको नमूना परीक्षण गरिएको मुख्यमन्त्री तथा मन्त्रिपरिषद् कार्यालयको कोरोना सूचना डेस्कले जनाएको छ ।</p>
<p>प्रदेश सरकारले निर्माण गरेका क्वारेन्टाइन स्थलमा बस्नेको संख्या दुई हजार १ ४० जना पुगेको छ।</p>
<p>१७ जना डिस्चार्ज भएका छन्।</p>
<p>कोरोना संक्रमणको आशंकामा स्वास्थ्यकर्मीको निगरानीमा विभिन्न अस्पतालमा आइसोलेसनमा ३८ जना उपचाररत् छन्।</p>
प्रतिक्रिया दिनुहोस्
.jpg)
