कोभिड-१९ का कारण बदलियो ओस्करको नियम
<p>लसएन्जलस। कोभिड-१९ को विश्‍वव्यापी महामारीका कारण संसारकै प्रतिष्‍ठित ओस्कर अवार्डको नियम पनि बदलिएको छ।</p>
<p>हालसम्म ओस्करको मनोनयनमा पर्ने सिनेमाहरूलाई लसएन्जलसका फिल्म हलहरूमा कम्तिमा सात दिन अनिवार्य स्क्रिनिङ गर्नुपथ्र्यो।</p>
<p>अब स्ट्रिमिङ प्लेटफर्ममा मात्र स्क्रिनिङ गरिने फिल्महरूलाई पनि ओस्कर मनोनयको हकदार बनाइने भएको छ।</p>
<p>अमेरिकाको एकेडेमी अफ मोसन पिक्चर आर्ट्स एन्ड साइन्सले वर्षेनि ओस्कर अवार्ड वितरण गर्दै आएको छ।</p>
<p>कोरोना भाइरसको संक्रमणका कारण सिनेमा घरहरू बन्द रहेको र भौतिक दूरी कायम गर्नुपर्ने बाध्यताका कारण मनोनयनको नियम बदल्नु परेको एकेडेमीका अध्यक्ष डेभिड रुबिनले बताए। </p>
<p>बीबीसीका अनुसार बदलिएको नियम अस्थायी मात्र रहेको एकेडेमीले जनाएको छ। कोभिड-१९ को विश्‍वव्यापी महामारीका कारण संसारभर फिल्म सुटिङ रोकिएको छ। महामारीकै कारण जेम्स बन्डको नयाँ फिल्मलगायत संसारभरका सिनेमाको प्रदर्शनी पनि रोकिएको छ।</p>
प्रतिक्रिया दिनुहोस्
.jpg)
