दिल्लीमा मात्र २०० जना स्वास्थ्यकर्मीमा कोरोना भाइरस संक्रमण
<p>काठमाडौं। भारतको राजधानी नयाँ दिल्लीमा मात्र २०० जना चिकित्सकसहितका स्वास्थ्यकर्मीमा कोरोना भाइरस संक्रमण पाइएको छ।</p>
<p>त्यहाँ संक्रमितको संख्या तीन हजार १०८ जना पुगेको दिल्ली राज्यका स्वास्थ्यमन्त्री सत्येन्द्र जैनले बताएका छन्।</p>
<p>"यहाँ सरकारी तथा निजी अस्पताल सबैमा गरेर २०० जना स्वास्थ्यकर्मी बिरामी परेका छन्। दिन प्रतिदिन संक्रमित हुने स्वास्थ्यकर्मीहरुको संख्या बढ्ने गरेको छ", मन्त्री जैनले भने।</p>
<p>कोभिड-१९ का उपचारा लागि तोकिएका अस्पतालभन्दा बाहिरको अस्पतालका स्वास्थ्यकर्मीहरूमा पनि संक्रमण पाइएको स्वास्थ्यका अधिकारीहरूले बताएका छन्।</p>
<p>दिल्लीको बाबु जग्जीवन राम मेमोरियल अस्पतालबाट मात्र ६० जना स्वास्थ्यकर्मीमा संक्रमण भेटिएको छ। <em>रासस</em></p>
प्रतिक्रिया दिनुहोस्
.jpg)
