मास्कबिनै अस्पताल पुगेपछि अमेरिकी उपराष्ट्रपतिको आलोचना
<p>वासिङ्टन। मास्क नलगाई अस्पतालमा बिरामी भेट्न पुगेपछि अमेरिकाका उपराष्‍ट्रपति माइक पेन्सको व्यापक आलोचना भएको छ। </p>
<p>उपराष्‍ट्रपति पेन्स मिनेसोटाको एक मेडिकल सेन्टरमा मास्क नलगाई बिरामी भेट्न गएका हुन्। त्यसक्रममा उनको अनुहारमा मात्र मास्क देखिँदैन। </p>
<p>पेन्सका सहयोगी र बिरामीले भने मास्क पहिरिएका थिए। उनी गएको मेडिकल सेन्टर मायो क्लिनिकले पेन्सको तस्वीरसहितको ट्विट गरेको थियो। सोही तस्वीरका कारण उपराष्‍ट्रपतिको आलोचना भएपछि ट्विट डिलिट गरेको थियो।</p>
<p>जबकि, उपराष्‍ट्रपति पेन्स नै ह्‍वाइट हाउसको कोरोना भाइरस टास्कफोर्सका प्रमुख हुन्। स्वास्थ्यकर्मी र बिरामी भेट्न जानैपर्ने भएकाले आफू उक्त क्लिनिकमा पुगेको बताउँदै उपराष्‍ट्रपति पेन्सले आफ्नो बचाउ गर्न खोजेका छन्।</p>
<p>तर, अमेरिकी सरकारले नै जारी गरेको गाइडलाइनमा सार्वजनिक स्थलमा अनिवार्य मास्क लगाउन मानिसहरूलाई निर्देशन दिइएको छ।</p>
प्रतिक्रिया दिनुहोस्
.jpg)
