पूर्वसभामुख महरा भन्छन्- नेकपाको विवादले जनतामा निराशा
<p>काठमाडौं। प्रतिनिधिसभाका पूर्वसभामुख कृष्‍णबहादुर महराले हाल सत्तारुढ नेपाल कम्युनिस्ट पार्टी (नेकपा)मा देखिएको विवादले अम जनतामा निराशा उत्पन्‍न भएको बताएका छन्।</p>
<p>आज एक विज्ञप्तिमार्फत दाङ निर्वाचन क्षेत्र नम्बर २ का सांसद महराले अहिलेको विषम परिस्थितिमा राष्‍ट्रिय एकता अपरिहार्य देखिएको उल्लेख गरेका छन्।</p>
<p>‘हालको अवस्थामा सबै दल तथा जनसमुदाय मिलेर कोरोना भाइरसविरुद्ध संघर्ष गर्ने बेला हो,’ विज्ञप्तिमा भनिएको छ, ‘यस्तो जटिल अवस्थामा दलहरूबीच एकता र सहकार्य हुनुपर्नेमा विवाद देखिनुलाई राम्रो मान्‍न सकिँदैन।’</p>
<p>दलहरूबीच आन्तरिक एकता कायम गरेर संवाद, सहमति र सहकार्यबाट अगाडि बढ्न महराले अपिल पनि गरेका छन्।</p>
प्रतिक्रिया दिनुहोस्
.jpg)
