नेकपा सचिवालय बैठक बालुवाटारमा शुरू
<p>काठमाडौं। सत्तारूढ दल नेपाल कम्युनिष्ट पार्टी (नेकपा)को सचिवालय बैठक शुरू भएको छ।</p>
<p>प्रधानमन्त्री निवास बालुवाटारमा केहीबेर अघि बैठक शुरू भएको प्रधानमन्त्रीका प्रेस सल्लाहाकार सूर्य थापाले बताए।</p>
<p>सचिवालय बैठकमा पार्टीभित्र देखिएको विवाद समाधानका विषयमा छलफल हुनेछ।</p>
<p>सरकारले दुई अध्यादेश ल्याएपछि चर्किएको विवाद समाधान गर्न नेताहरूले सचिवालय बैठक बस्नुपर्ने माग गर्दै आइरहेका थिए।</p>
<p>पछिल्लो समयमा नेकपाभित्र विवाद उत्कर्षमा पुगेको देखिन्छ।</p>
<p>नेताहरू आफ्नो पक्षमा समर्थन बनाउन केहीदिनदेखि छलफललाई तीव्रता दिइरहेका छन्।</p>
<p>दुई अध्यक्षबीच हिजो बालुवाटारमा भएको छलफलपछि आज बैठक बस्ने टुंगो लागेको थियो।</p>
<p>आजको सचिवालय बैठकलाई निकै महत्वका साथ हेरिएको छ।</p>
<p>नेकपाभित्र दाहाल नेपाल समूहले स्थायी समिति बैठककोसमेत माग गरिरहेका बेला आजको बैठक महत्वपूर्ण हुने देखिएको छ।</p>
<p>सचिवालय बैठकअघि आज दिउँसो अध्यक्ष केपी शर्मा ओली पक्षधर सांसदहरू बालुवाटार पुगेर आफूहरू साथैमा रहेको विश्वास दिलाएका थिए। </p>
प्रतिक्रिया दिनुहोस्
.jpg)
