‘अल्टिमेटम आकाश’ उपन्यासकाे लोकार्पण
<p>काठमाडाैं। ‘अल्टिमेटम आकाश’ उपन्यास आज लोकार्पण गरिएको छ।</p>
<p>नेपाल प्रज्ञा–प्रतिष्ठानका कुलपति गङ्गाप्रसाद उप्रेती, नेपाल ललितकला प्रज्ञा–प्रतिष्ठानका कुलपति केके कर्माचार्य र नेपाल नाट्यकला प्रज्ञा–प्रतिष्ठानका कुलपति रायन श्रेष्ठले संयुक्तरूपमा सो उपन्यासकाे लोकार्पण गरेका हुन्।</p>
<p>जनमत प्रकाशनले प्रकाशनमा ल्याएको सो कृतिका लेखक सन्तोष लामिछाने हुन्। यसअघि अमेरिका र बेलायतमा यसको अङ्ग्रेजी संस्करणमा लोकार्पण भइसकेको छ।</p>
<p>अमेरिकामा बसोबास गर्दै आएका लामिछानेको यसअघि ‘चामल खानेहरू र चौलानी पिउनेहरू’ कविता सङ्ग्रह प्रकाशित भएको छ।</p>
<p>उपन्यास विमोचन गर्दै नेपाल प्रज्ञा–प्रतिष्ठानका कुलपति गङ्गाप्रसाद उप्रेतीले नेपाली साहित्यमा अभिरूचि राख्ने लेखकले नेपाली लबज भने बिगार्न नहुने राय व्यक्त गरेका थिए।</p>
<p>नेपाल ललितकला प्रज्ञा–प्रतिष्ठानका कुलपति केके कर्माचार्य र साहित्यकार डा. जिवेन्द्रदेव गिरीले उपन्यास पठनीय र सङ्ग्रहनीय रहेको धारणा राखे। <em>रासस </em></p>
प्रतिक्रिया दिनुहोस्
.jpg)
