चीन अमेरिकाको दुश्मन होइनः चिनियाँ राजदूत
<p>लन्डन। बेलायतका लागि चीनका राजदूत लिउ सिआओमिङले आफ्नो मुलुक अमेरिकाको दुश्मन नभएको बताएका छन्।</p>
<p>‘चीन र अमेरिकाले फेरि पनि आपसी समन्वय हासिल गर्नेछन्,’ राजदूत लिउले भने ‘र, द्वन्द्वको अन्त्य हुनेछ।’</p>
<p>बीबीसीको ‘हार्ड टक’मा बोल्दै उनले चिनियाँ राष्‍ट्रपति सी चिनफिङ र अमेरिकी समकक्षी डोनाल्ड ट्रम्प निरन्तर सम्पर्कमा रहेको जानकारी दिए। दुवैले कोरोना भाइरस संक्रमणबारे नोटहरू आदानप्रदान गरिरहेको उनले बताए।</p>
<p>पछिल्लो समय अमेरिकी राष्‍ट्रपति ट्रम्पले चीनमाथि निरन्तर कोभिड-१९ फैलिन मद्दत गरेको आरोप लगाउँदै आएका छन्।</p>
<p>‘चीन अमेरिकाको दुश्मन होइन भन्‍ने अमेरिकी नागरिकहरूले बुझ्नुपर्छ,’ राजदूत लिउले भने, ‘कोराना भाइरसचाहीं अमेरिकाको दुश्मन हो र उनीहरूले त्यसलाई निशाना बनाएर लड्नु जरुरी छ।’</p>
प्रतिक्रिया दिनुहोस्
.jpg)
