कुलेखानी जलायशयमा पर्याप्त पानी, विद्युत् उत्पादन निरन्तर
<p>हेटौंडा। मकवानपुरस्थित कुलेखानी जलाशयमा पर्याप्त मात्रामा पानी रहेकाले विद्युत् उत्पादन निरन्तर भइरहेको आयोजनाले जनाएको छ। </p>
<p>कुलेखानी प्रथम आयोजनाका प्रमुख रामकुमार यादवका अनुसार उक्त आयोजनाको प्रथमबाट ६०, दोस्रोबाट ३२ र तेस्रोबाट १४ गरी १०६ मेगावाट बिजुली उत्पादन भइरहेको छ।</p>
<p>इन्द्रसरोवर जलासयमा अहिले एक हजार पाँच सय १२ दशमलव ७८ मिटर पानीको सतह रहेको आयोजनाले जनाएको छ। यस आयोजनाबाट उत्पादित विद्युत् हेटौंडा औद्योगिक क्षेत्रलगायत देशका विभिन्न शहरमा आपूर्ति हुने गर्छ।</p>
<p>कुलेखानी तेस्रो आयोजनामा केही महिना अघिदेखि १४ मेगावाट विद्युत् उत्पादन भइरहेको छ। </p>
<p>वागमती प्रदेशका भौतिक पूर्वाधार तथा विकासमन्त्री रामेश्‍वर फुयाँलले सरकारले आगामी आर्थिक वर्ष ०७७-७८ भित्र काठमाडौ फर्पिङको चन्द्रज्योति र सुन्दरीजलमा विद्युत् उत्पादनका लागि नयाँ योजना कार्यान्वयन गरिने जानकरी दिए।<em><strong> रासस</strong></em></p>
प्रतिक्रिया दिनुहोस्
.jpg)
