पिथौरागढ र धार्चुलामा अलपत्र नेपालीलाई स्वदेश भित्र्याउन थालियो
<p>धनगढी । गत १३ चैतदेखि भारतको पिथौरागढमा अलपत्र परेका नेपालीहरूलाई नेपाल ल्याउन थालिएको छ । बैतडीसँग सीमा जोडिएको भारतको झुलाघाट क्‍वारेन्टाइनमा रहेका उनीहरूलाई आज स्वदेश ल्याउन थालिएको हो । </p>
<p style="text-align:center"><img alt="" height="720" src="https://www.dekhapadhi.com/storage/photos/shares/Province/sudurpaschim/95143428_547075869338236_5281938398230085632_n.jpg" width="960" /></p>
<p>क्‍वारेन्टाइनमा रहेका पाँच सय ८० र बाहिर रहेका गरी करीब सात सय ५० जनालाई आज बिहान ८:३० बजेबाट नेपाल ल्याउन थालिएको बैतडीका प्रमुख जिल्ला अधिकारी आनन्द पौडेलले जानकारी दिए । जाँचपछि सबैलाई सम्बन्धित जिल्लामै क्‍वारेन्टाइनमा राखिने उनले जानकारी दिए ।</p>
<p>धार्चुलाबाट पनि बिहान ९:२० देखि नेपालीलाई स्वदेश भित्र्याउन थालिएको दार्चुलाका प्रजिअ यदुनाथ पौडेलले जानकारी दिए। उनका अनुसार सीमापारि ८१७ जना नेपाली नागरिक क्‍वारेन्टाइनमा छन् ।</p>
<p style="text-align:center"><img alt="" height="540" src="https://www.dekhapadhi.com/storage/photos/shares/Province/sudurpaschim/95417845_231684844589484_4101620873495052288_n.jpg" width="720" /></p>
<p> </p>
प्रतिक्रिया दिनुहोस्
.jpg)
