विमानस्थल तोडफोड गर्ने सांसद साह तारेखमा रिहा
<p>जनकपुरधाम । उडान ढीलो भएको भन्दै जनकपुर विमानस्थलमा बुद्ध एयरको काउन्टर तोडफोड गरेको आरोपमा पक्राउ परेका राष्ट्रिय जनता पार्टीका सांसद प्रमोदकुमार साह आज रिहा भएका छन्।</p>
<p>जिल्ला अदालत धनुषाका न्यायाधीश तेजनारायण पौडेलको इजलासले साहलाई साधारण तारेखमा छाड्न आदेश दिएको हो।</p>
<p>साह राजपाको तर्फबाट सर्लाही क्षेत्र नम्बर १ बाट प्रतिनिधि सभामा निर्वाचित सांसद् हुन् ।</p>
<p>२७ असोजमा विमानस्थलमा तोडफोड गरेपछि साहविरुद्ध प्रहरीमा उजुरी परेको थियो। उनलाई २८ असोजमा काठमाडौंबाट प्रहरीले पक्राउ गरेर जनकपुर पठाएको थियो।</p>
<p>सरकारी वकीलको कार्यालयले साहविरुद्ध गैरसैनिक हवाई उडान ऐन २०१५ विपरीत अपराध गरेको भन्दै जिल्ला अदालतमा मुद्दा दायर गरेको थियो। </p>
<p>विमानस्थलमा भएको तोडफोडलाई गैरसैनिक हवाई उडान ऐन विपरीत अपराध भएको भन्ने सरकारी वकील कार्यालयको मागदावी नपुग्ने अदालतको प्रारम्भिक ठहर छ। </p>
<p>पढ्नुहोस्:</p>
<p><a href="https://dekhapadhi.com/news/1043">बुद्ध एअरको काउन्टर तोडफोड गर्ने सांसद साह पक्राउ </a></p>
<p><a href="https://dekhapadhi.com/news/1018">बुद्धको काउन्टर तोडफोड गर्ने सांसद्ले माफी मागे अनि विमान चढ्न पाए</a></p>
<p><a href="https://dekhapadhi.com/news/1065">सांसद साहलाई रिहा गर भन्दै जनकपुरमा राजपाको प्रदर्शन</a></p>
<p> </p>
<p> </p>
<p> </p>
प्रतिक्रिया दिनुहोस्
.jpg)
