स्वास्थ्य मन्त्रालयलाई एनआरएनएको सहयोग
<p>काठमाडौं। गैर आवासीय नेपाली संघ (एनआरएनए) दक्षिण कोरिया र चीनले सरकारलाई कोभिड–१९ रोकथाम तथा उपचारमा प्रयोग हुने स्वास्थ्य सामग्री सहयोग गरेको छ।</p>
<p>संघका उपाध्यक्ष सोनाम लामाले उक्त सामग्रीहरु स्वास्थ्यमन्त्री भानुभक्त ढकाललाई हस्तान्तरण गरे।</p>
<p>दक्षिण कोरियामा रहेका नेपालीहरुले यसअघि पनि टेष्ट किट, पीपीईलगायतका सामग्री उपलब्ध गराएको थियो।</p>
<p>आज ३१० थान थर्मोमिटर, दुई हजार थान फेस सिल्ड, एक हजार थान एन ९५ मास्क, २० हजार थान डिस्पोजेबल मास्क, एक हजार थान ह्याण्ड ग्लोब्स र दुई हजार पीपीई गाउन उपलब्ध गराएको छ।</p>
<p>यस्तै एनआरएनए चीनले ह्याण्ड ग्लोब्स ३० हजार थान, डिस्पोजेबल मास्क २० हजार थान एन ९५ मास्क एक हजार ४५० थान उपलब्ध गराएको छ।</p>
<p>सामान बुझ्दै मन्त्री ढकालले संकटको समयमा साथ दिनेहरू नजिकको र भरपर्दो हुने बताए।</p>
<p> </p>
प्रतिक्रिया दिनुहोस्
.jpg)
