सिन्धुपाल्चोकमा सामाजिक संजालबाटै विद्यार्थी भर्ना अभियान
<p>मेलम्ची। पाँचपोखरी थाङ्पाल गाउँपालिकाका सामुदायिक विद्यालयहरूले सामाजिक संजालमार्फत् विद्यार्थी भर्ना अभियान थालेका छन्।</p>
<p>फेसबुक मेसेन्जर, फोनलगायतको अनलाइन प्रविधिको प्रयोग गरेर भर्ना शुरू गरिएको गाउँपालिकाका अध्यक्ष टासी लामाले बताए।</p>
<p>दुई साताअघि गाउँपालिकाका सबै सामुदायिक विद्यालयले अनलाइनबाटै एकदेखि ९ कक्षासम्मको परीक्षाफल प्रकाशित गरिसकेका छन्। </p>
<p>“अहिले भर्ना भएका विद्यार्थीलाई वडाध्यक्षको समन्वयमा विद्यार्थीको घर घरमा पुगेर किताब र पोशाक पुर्‍याइने छ”, लामाले भने।</p>
<p>पाँचपोखरी थाङ्पाल गाउँपालिका शिक्षा समितिको बैठकमा कोभिड-१९ को जोखिमलाई मध्यनजर गर्दै सम्बधित वडाका वडाध्यक्षसँग समन्वय गरी विद्यालयले भर्ना अभियान शुरू गर्ने निर्णय भएको थियो ।</p>
<p>यस गाउँपालिकामा २९ वटा सामुदायिक विद्यालय छन् भने झण्डै तीन हजार विद्यार्थी अध्ययनरत् छन् । <em>रासस</em></p>
प्रतिक्रिया दिनुहोस्
.jpg)
